Khliehriat: U Deputy Commissioner, East Jaintia Hills District, u F.M Dopth ynnin ka 31 tarik u Naisaphar da wai paidbah u yaka Electoral Verification Programme ha Community Hall, Khliehriat West, East Jaiñtia Hills District. Wei kani ka programme toh kawa da sdang yow yarap ya ki tre ri wow pynbait ya iwa baklam kam ha i rukom thoh yei pyrtuid yong ki wa da em chwa haka Electoral Roll, u pynpsiah ya kiwa thap Vote wa dang thymme wei wow pynthymme ya iwon iwon wa emkaam kiwa thap Vote.
Ha kani ka sngi da emlang leh u S.S. Syiemlieh, Addl. Deputy Commissioner, East Jaintia Hills District, u S. Marwein, EAC, East Jaintia Hills District, u C.J. Kharshiing, ASE Khliehriat, ki wakreh ka chnat Election ka District, ki seiñ saiñ hima sima, ki waheh chnong ki chnong wa boon ka District.
U C.J. Kharshiing hawa batai u chapahng kani ka Electoral Verification Programme (EVP) da pyntip u wa u sdang ya ka nadooh ka chi tarik u Naikhynde hadooh ka 15 tarik u jooh u bnai, deiwa pyntip leh wa waroh kiwa da em 18 snem i rta toh u yoh ki yaka Voter ID. Da ong u leh wa i pynbait ya iwa pynbait ya iwa bakla toh iwa emkaam bha yow lait u mih iwon iwon i thut mynstep mankawi.
Kiwa thap Vote kiwa kiwa kwah u pynbait ya iwon iwon i bakla ye ki leh u leh lyngba ka Voter Helpline Mobile App, lyngba ka NVSP Website, ha ki Common Service Centres (CSCs) lane deiwa phone ha u number 1950. Yow sñiawthooh ki paidbah da pynyoo leh wa kammon wow leh ya ini waroh lyngba ka NVSP Website.
Neiliang u kongsan u F.M. Dopth, IAS, Deputy Commissioner, East Jaintia Hills District da ong u wa i em i bakla haka Electoral Roll toh iwa da em nadooh nachwa iwa da pynthut ya i rukom thap Vote heipor Election. Kamtæ emkaam bha wow pynbait ya ini waroh deiwa wanrah ya ki kot ki sla wa emkaam.
Daw pynemkaam leh ya ki Block Level Officers (BLOs) wow leh ya ini kiwa daw lai iwi pa iwi i yung ha ini i por wa da booh.
U DC da pyntip u leh wa ka sorkar pyrdi da pynman ko wa emkaam wow em ya ka Adhaar Card ya waroh ki tre ri kamtæ da pynchlur u ya waroh ki waheh chnong wa ki CSC wow pyntip paidbah chaphang ini.
Kiwi de kiwa klam ha kani ka sngi toh u Helpman Phawa, E- District Manager, East Jaintia Hills District, u Kennedy Bareh, u waheh chnong ka Khliehriat, u Justice Lyngdoh, u waheh chnong ka Rymbai.
Discussion about this post