Jowai: Ka Electors Verification Programme (EVP) da sdang yaka ynne ka sngi hapoh ka WJH da u Garod L.S.N Dykes, IAS, Deputy Commissioner haka Common Service Centre, Iawmusiang, Jowai (kawa em ha neiñ ka Starline Restaurant) wei heijooh i por leh da wai ya kani ka Common Service Centre.
Hawa e yei klam u Garod da ong u wa ka EVP da sdang daka Election Commission of India haka 01-09-2019 wei daw pteiñ ko hadooh ka 30-09-2019 da i thmu wow pynchlur ya kiwa thap Vote wow wan ki cha khmat yow pynbait lada em iwa bakla chaphang yong ki wei wow pyntikna wa kiwa da em i hok wow thap Vote wym toh u chah mylliñ ki. Da kyntu u leh ya kiwa pynlai chnong wow ya krehlang wa ki BLO ha kini ki sngi yow pynbait ya iwa bakla.
Ka B. Blah, EAC (Election) lyngba ka PowerPoint Presentation da ong ko lada em kiwa thap Vote chem ki iyi iyi bakla haka Electoral Roll ye ki wow Upload wei ya kiwi na kini ki kot ki sla wa emkaam toh ka Passport, Driving License, Aadhaar Card, Ration Card, Pan Card, Bank Passbook, ki ID wa e daka sorkar namo ki thaw pynkrehkaam lang ka sorkar, lyngba ka NVSP Website, ka Voters Mobile App lane deiwa lai cha ki Common Service Centres.
Ya i pynbait u leh Offline wa Online. Da booh leh ya u Helpline Number kawa ya ki bru wa em i duna i doh i pran ye ki u Phone ha u Number 1950.
Discussion about this post