I chim snam wa nyngkong dooh hapoh ka jylla Meghalaya na kiwa da chait na u COVID-19 da leh ynne ka sngi ha Blood Bank ka NEIGRIHMS.
Ya ini i chim snam iwa tip leh kam i Plasma Collection heiwa na i snam daw sai ya iwa tip kam i Plasma, da chim na ki chipai BSF kiwa da chait na u COVID-19 deiwa leh yaka Apheresis Procedure.
Ya kini ki BSF ka Frontier HQ Shillong da Test chwa yaki ya u SAR COV-2 IgG Index Calue (Antibodies) ki Blood Group wa kiwi de kiwa emkaam wei da jied ya 10 ngut haka bynta wa nyngkong.
Ya kani ka rukum chim snam Apheresis Procedure kawa pynemkaam yaka kor kawa ye u yabha ya i snam hapyrdi ki Red Cell, White Cell wa i Plasma toh kawa da leh nyngong hapoh ka jylla wei kawa da wai da u Prof. (Dr.) P. Bhattacharyya, Director NEIGRIHMS wa u IG, BSF Frontier HQ Shillong hei emlang u DIG Medical Composite Hospital BSF Shillong, Deputy Director, Medical Superintendent NEIGRIHMS.
Kam wow pynkynmoo wa i Plasma wa em ha i snam yong kitu kiwa chitom na u COVID-19 tangwa kiwa da chait da pynemkaam yow sumaar ya kitu kiwa chitom na u COVID-19.
