Da seiñ wei da pynskem ya ka Seiñ Kur Dkhar, Jaintia Hills, Wapung Circle

Jowai: Ka kur Dkhar da thung pynskem ko ya ka chnat krehkaam yong Ka Seiñ Kur Dkhar Jaintia Hills ha kani ka 6 tarik ha ka yalang wa pynman ha Community Hall, yong ka chnong Wapungshnong.

Ka Seiñ Kur Dkhar Central Body hapoh i yahkhmat u K.B. Dkhar, President wa u Hamjhan Dkhar General Secretary yong ka, hei emlang kiwa yahkhmat ka Seiñ Kur Dkhar Jaintia Hills, East Zone, u Libas Dkhar, President wa u Pdianghun Dkhar General Secretary, da hiar ki ha kani ka sngi cha ka thaaiñ Wapung wow thung pynskem syndon ya ka chnat krehkaam yong ka Seiñ Kur Dkhar Jaiñtia Hills ya kawa da e pyrtuid ka “Seiñ Kur Dkhar Jaintia Hills, Wapung Circle”.

Ki chnong kiwa da bynta wow haap hapoh ka Seiñ Kur Dkhar Jaiñtia Hills, Wapung Circle, toh ka Wapungskur, Wapungshnong, Pamrakmai, Pamra Paithlu, Mookhep, Jalyiah, Khliehmyntriang, Iongkaluh, Iurim Khliehshnong, Sohkymphor, Byrwai, Rashai wei ye leh u kynthup sa ya ka Tuberkmai chnong wa Shohshrieh lada emkaam.

Kiwa kitkaam wa nynkong yong ka “Seiñ Kur Dkhar Jaintia Hills, Wapung Circle” kam ki kamni ha wah:

President-Shaniahskhem Dkhar