Da seiñ ya ka All Adhoc School Teachers Association yong ka Jaiñtia Hills District

Jowai: I yachem lang yong waroh ki skur Adhoc kawa kynthup nadooh ki skur Lower Primary hadooh Higher Secondary School yong ka East wa West Jaiñtia Hills District kawa man haka 29-06-19 ha Mynthong District Library Auditorium, Jowai da chim ya ka rai wow seiñ ya ka All Adhoc School Teachers Association yong ka Jaintia Hills District.

Ha kani ka sngi kiwa sikai Adhoc yong kitai ki ar District da kawi ka yumut da rai ki wow seiñ ya katai ka Association heiwa da jied President ya u Sanborn Jungai, Vice President u Wiwot Lapasam, General Secretary ka Chwadaka Laloo, Asst. Secretary u Phasing Dkhar wa Treasurer u Tremendous Tariang.

Da jied leh ya ki dkhot yong ka Executive Committee na man ki Block yong ki District katæ na Block Amlarem, Jowai, Laskein, Thadlaskein, Khliehriat wa Saipung. I thmu wa kongsan yong katai ka yalang toh wow pynkhlan ya i yatoh yong kiwa sikai skur Adhoc neibynta i dawa wow pynku kyrdan ya ki skur Adhoc cha ka Deficit.

Ha katai ka sngi da emlang leh u Kenneth Shadap uwa man kam u Convener yong ka All Adhoc School Teachers yong ka jylla.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u Kenneth Shadap da e u yei pynche ya kiwa sikai hajrong ka dorkhat kawa da thoh wa kawa da phah cha ka Ministry of Social Justice and Empowerment, ka Ministry of Human Resource Development waka Department of School Education and Literacy yong ka sorkar India ha u snem 2018. Chooh chooh u Kenneth Shadap da pyntip wei da batai u leh ya i yohpdiang ya ka chithi jubab na ka Ministry of Human Resource Development kawa da e cha u W.R. Lyngdoh , IAS, Secretary , Government of Meghalaya , Education Department heiwa da kyntu wow pynku kyrdan ya waroh ki skur Adhoc cha ka Deficit.

Neiliang ka All Adhoc School Teachers Association deilang wa u Kenneth Shadap da rai ki wow boodien thij pa thij ya kani ka kaam wei wow kyrpaad ya ka sorkar Meghalaya wow leh iyi iyi neibynta ka bha ka miat yong kiwa sikai skur Adhoc.

Kamwa da yoo ha ki snem wa da lai kiwa sikai skur lada ki kwah ki wow pynku tulop hap ki wow pynman ya ki yakhih wow yamih sarok. Kamtæ i pynku kyrdan cha ka Deficit daw wanrah ya i jooh i su neibynta i jooh i kaam wei daw man ko leh kam ka laad wai kaam neibynta ki khon khynroo khyllood wow pynpliah ki ha ka kaam sikai hadien habood.