Ka Shillong Quizzing Society (SQS), kawa man kawa nyngkong dooh kam kani ka seiñ yong kiwa yaleh Quiz ha Meghalaya, da pynman ko ya yachemlang kawa nyngkong yong ka ynnin ka sngi ha North-Eastern Hill University, Shillong.
Kani ka yalang toh kawa da chah wow wan chimbynta da kiwon kiwon kiwa da em 16 snem chaneiñ heiwa kiwa chimbynta da em ki 13 ngut wa kynthup ya ki bru chipai, ki Research Scholars, ki khynnah College, kiwa kreh Bank wa kiwi kiwi de.
Ha kani ka sngi da pynman leh ya ka ya yaleh Quiz wa jop da u Lenamiki Khonglah (22 snem) uwa da pyndep puræ Physics (Graduate) ka St. Anthony’s College waka Pragya Pasricha, ka Research Fellow hapoh ka P.A. Sangma Fellowship for Legal and Policy Research ka sorkar jylla.
“Ka Quiz toh kawa pynyoo katwon i bor jabieñ wow kynmoo tangwa da kwah i wow pynylla yeini neibhah wa kwah i waroh wow wan chimbynta ki deiwa pynman ya ka kam ka kaam pynmuja. Ka Quiz ym toh wow kynmmo hi-eh yei wym tip tangwa toh u tip u jubab kam u bru uwa da takit da thooh bniah,” da ong u Arpit Nayak, uwi na kiwa sdang ya kani ka Society deilang wa u Anirban Paul wa u Rounak Kar.
“Kani ka Society toh kawa da yaleh leh wow pyn mahajon ya iwa tip wa i rukom puræ ki khynroo ka jylla deiwa yaleh Quiz iwa cha baar na ki kamra e sikai,” da ong u Paul.
“Ka Shillong toh kawa khlan bha wow pynman Quiz nachwa, iwa da sdang wiar ha ki snem kiwa katni. Ini iwa sdang da ka SQS toh iwa bha bha neibhah em boon ki khynroo ka jylla kiwa kwah u yaleh Quiz tangwa ym em yoh thaw ki kamwa man katni,” da ong u Jonal Das, uwi na kiwa chimbynta ha kani ka Quiz.
Da kani ka yalang wa nyngkong, kani ka Society da kyrmen ko wow pynyaar yei kaam yong ka deiwa embyntalang kiwa boon ki bru.
