Haka 1 tarik uni u bnai da pynman yaka yalang da kiwa chong chnong ka Shella Bholaganj Block, East Khasi Hills District, Meghalaya wa ki thaw wa em chajan yow seiñ yaka Committee kawa e pyrtuid kam ka “COORDINATION AND WELFARE COMMITTEE, SHELLA BHOLAGANJ BLOCK AND ADJOINING AREAS, (AN INITIATIVE TOWARDS PEACE, HARMONY AND BROTHERHOOD)”
Ha kani ka yalang da beiñ ya iwa jia ha Ichamati wei da dawa wow pynchitom ya kiwa emkti.
Ya kani ka Committee da chna da i thong wow wanrah yei yatylli hapyrdi kiwa chong chnong ka Meghalaya khlem da pait ya i niam, i ktien wa ka jaitbru; deiwa burom kylliang deiwa ya sñiawthooh yei yaphær wei man kyrpang. Yow pynkhlan yei chongsuk, i chngaaiñ haka imlang sahlang, i kreh chitom yow pynyatohlok yaki bru ka Meghalaya yow ya myntoilang ki bru ka Meghalaya yow ye u chakri yaka jylla kamjooh yaka ri.
Yow yada yei spah ka rymaw deiwa pynemkaam yaki hei rukom wow myntoi ki bru ka Meghalaya. Yow rah cha ka sorkar pyrdi ya ki phang wa yatoh wa ki bru ka Meghalaya.
Hadien wa da yaklam, da chim leh ya ki rai yow pynbait ya ki kaam wa yatoh waka Meghalaya wa kynthup yaka Shella Bholaganj Block wa ki thaw wa em chajan yow myntoilang waroh kamjooh yow wanrah yei suk i saaiñ deiwa kyrpaad leh yaki bor wa toh u pait yow pynthymme wei wow e yaka License ki NOC yow ye ki bru wow yoh biang ya i hok wow khih yow im-ja deiwa em burom.
Kani ka Committee leh u bahkhlieh ko yow pyntikna wa em i suk i saaiñ, i ya maya kam chi payu wei ym em iwon iwon i chah lehbeiñ, i pait chilliang ha Shella Bholaganj Block wa ki thaw wa chajan.
Kani ka Committee u man ko leh kam ka wow mihkhmat ya kini ki thaw, kawa daw pynlait yaki kyrwoh khubor wa kiwi kiwi de ki kaam.
Da phah leh yei kyrpaad cha u SDO (Civil) Sohra yow leh ya iwa emkaam yow pynthymme yaki Trading License kiwa khayi ka Ichamati/Bholaganj wei yow e NOC ki President/Secretary ka New Majai Local Exporter Forum, Bhlaganj cha ki dkhot yong ka.
