Khliehriat: Ka Khliehriat Block Congress Committee haka 7 tarik uni u bnai da chna ko yaka Wapungskur Congress Unit wei ya kani da pynskem wei da leh ya ini ha pchem yung yong u Shitlang Pale (MLA) ha Dkhiah East.
Da pynman ya kani ka yalang deiwa bood ryntih yaki aiñ yada wa da booh ka sorkar yow yada nei poor ka khlam COVID-19.
Ha kani ka sngi da pynlai yaka yalang da u President yong ka Khliehriat Block Congress Committee u Deibormi Syad wei da yoh ya i klam tbian chaphang ka Party na u Working President ka Block u Piwell Shylla.
Da pynlai ya i jied wa kitkaam da u Working President ka Block u Thynda Sana. Da yoh ya i sneiñ kyntu ya kiwa kitkaam wa thymme ka Party na u President ka East Jaiñtia Hills District Congress Committee uwa man leh u MLA ka 5-Sutnga-Saipung Constituency u Shitlang Pale.
Da emlang ha kani ka u Pheinlang Siangshai (Vice President ka Block), u Gerald Phawa (Secretary Ka Block) deilang wa kiwi kiwi dkhot yong ka Party.
Kiwa kitkam man kamni ha wah:
- President: Ka Jhanika Siangshai
- Vice President: U Khmihbha Phawa
- General Secretary: U Evergreen Shylla
- Asst. Secretary: Ka Diovalentina Siangshai
- Treasurer: U Dwingly Ryngkhlem
- Social Media Co-ordinator: U Longspringful Ryngkhlem, deilang wa 25 ngut ki Executive Member.
