Da sih u sarok Jowai Bye-pass pyn hapoh ar bnai wa wai ya oo

Jowai : U sarok Jowai Bye-Pass na Mukhla cha Soomer da jæd da pra u khamtam hachwa wow poi Mihmyntdu du hapoh chibnai tam nadooh wa wai ya oo.

Uni u sarok wa jrong kamwa 8 km, da chna da ka M/s Dhar Construction Company hei lut wa kamwa T. 46.61 Klur.

Ki paidbah da khñium da ood ki hei yatoh wei man i long yong oo neibhah da wai ya oo dang du ha ka 22 Thohlakhmi, 2017 wei da man won u kamni.

Neiliang u Executive Engineer ka PWD (Roads) Jowai North Division u Sainia Kyndiah hei yaklam wa kiwa e khubor da ong u wa hadien wa da hiar u slap khlem rang da chem sakhiat wa em ki bynta wa da sih i bynta yong oo.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da khana u wa yeini iwa jæd wa pra u chna pynmiat ka company wa chna ya oo katkam ka National Highway Standard wei kani ka Company u kitkhlieh ko wow chna ya iwon iwon iwa sih hapoh ka Defect Liablity Period kawa 3-4 snem katkam ka soskular wa da soi heipor wa ekti ya ini i kreh.

Ini i por Defect Liability Period da sdang i nadooh ka 1 Duyatra (January) 2017 hadien wa da dep chna ya oo ha ka 31 Kmaichonglad (December) 2016 wei u chna pynmiat ya oo heiwa yei bai chna u lut kani ka Company pyn naka hi.

Heijooh i por u Sainia Kyndiah da ekhublei u ya u slap uwa da hiar heiwa da chem ya ini i duna ha uni u sarok.