U DHS(MI) ka jylla u Dr. A. War da pyntip u wa hadooh 1 waje i sngi ynne ka 17 tarik, kiwa dang yoh COVID-19 ha Meghalaya da em ki 44 ngut wa 4 ngut kiwa dang chait.
Na kiwa dang yoh, kiwa boon toh ha East Khasi Hills kiwa em 40 ngut heiwa 39 ngut toh ki bru paidbah wa BSF-1. Ha East Jaiñtia Hills-1 wa ha West Garo Hills-3.
Kiwa chait won toh na East Khasi Hills-2, East Jaiñtia Hills-1 wa West Jaiñtia Hills-1.
Na kiwa dang yoh thymme ha East Khasi Hills, 1 toh High Risk Contact wa yachem wa uwa yoh COVID-19 katwa 38 ngut won toh kiwa na Rilbong, Shillong kiwa da chem deiwa leh yaka Test paidbah lyngba ka Antigen Test ynnin ka sngi.
Na West Garo Hills ki 3 ngut toh kiwa yoh na Tikrikilla katwa ha East Jaiñtia Hills toh uwa yah kari Interstate.
Heiytoh kiwa dang yoh ha Rilbong, u DHS da pyntip u wa da dep wow pynbna kam ki Containment Zone ya kini ki thaw nadooh Nepali Compound hadooh Umjasai wa kiwi ki thaw wa sah kiwa yoh COVID-19.
Da pyntip u wa nei em ki 2 ngut kiwa yoh chwa, da poor cha ki 38 ngut wei da booh ko hei maa ya kiwa boon neibhah wa kini toh kiwa lai kreh cha Ïewduh wa Khyndailad, wei da leh ya ka Testing ha Ïew wa PB hajan ka OB Shopping Mall, wei boon na kini toh ki wakreh mylla ha ki yung bru.
Ya waroh 38 ngut da booh ha Corona Care Centre wei da leh biang yaka Test daka Antigen, RTPCR wa CPR yow pyntikna, wei da suba leh wa da em i poor para wa chong chnong namo ka Community Spread wei i man ym toh de iwa chngaaiñ katæ heiwa da kyntu wa ym toh wow mih cha lait.
Kiwa dang em COVID-19 haki District man ki kamni ha wah:
East Khasi Hills- 423 (BSF-72, kiwi ki chnat chipai-70, ki bru paidbah- 281)
West Khasi Hills: 3
Ri Bhoi: 100
West Jaiñtia Hills: 4
East Jaiñtia Hills: 5
West Garo Hills: 184
South West Garo Hills: 3
South Garo Hills: 2
North Garo: 8
South West Khasi Hills: 1
Waroh kiwa dang em ya uni u khñiang da em ki 733 ngut, kiwa chait da em ki 679 ngut kiwa yap 6 ngut iwa da poi 1,418 ngut kiwa da dep yoh COVID-19 ha Meghalaya.
Ki nongmuna kiwa da dep phah Test da em ki 43872 tylli, kiwa man Negative namo kiwa ym em chah ktah toh 42137 tylli kiwa dang yang yaka Result yong ki kamwa 315 tylli.
Kiwa psiah chapoh ka jylla da em ki waroh 28380 ngut.
