Da suba wa em sa uwi wa chah kset ha krem mooyong chirup wa ki 14 ngut ha Ksan

Jowai: Katkam ka yutip wa yoh da ong wa da suba wa em sa uwi u bru chirup wa ki 14 ngut wa chah kset hapoh i krem mooyong ha Ksan, East Jaiñtia Hills.

U SP ka District, u Sylvester Nongtnger ynne da pyntip u wa uwi u bru na Karbi Along da pyntip u wa da suba wa em sa uwi u bru wa em hapoh kani ka krem mooyong chirup wa ki 14 ngut wa tip kam u Assh Bahadur Limbu.

U Limbu toh u khon yong u Ram Prasad Limbu, na 9th Mile, Nepali Basti, PO/PS Manja, Karbi Anglong District, Assam.

Kini kiwa kreh mylla da chah kset ki hapoh i krem mooyong ha Ksan nadooh ka 13 tarik neidaw wa chlai um kani ka krem wei da antaad nyngkong wa em 13 ngut hapoh kani ka krem mooyong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha ka 17 tarik da pyntip u MLA ka Rajabala u Dr.Azad Zaman wa em sa uwi u bru wa em hapoh kani ka krem, wei wa ynne ka sngi kattu da em 15 ngut kiwa chah kset hapoh kani ka krem.

Katkam ki bor ka District da ong ki wa katni dang thooh ki ya u sordar wa pynkreh ya kani ka krem wei du hadien wa kem ya oo daw ye u tip thij katwon ngut wa kreh hapoh kani ka krem mooyong heipor wa chlai um syndet ko ha katai ka sngi.