Da synchaar ya ka Pakistan katni da ki aiñ khloo: Imran Khan

U Prime Minister warim ka Pakistan, u Imran Khan da beiñ u ya u Army Chief of Staff ka Pakistan, u General Asim Munir uwa da yoh u ku kyrdan kam u Field Marshal deiwa ong wa u Munir da toh u kam u ya i kyrdan u Syiem ymtoh de tang kam u Field Marshal.

Hawa yaklam wa ki muktiar wa kiwa kyrchaan ya oo na Adiala Jail ha Rawalpindi, u Imran Khan da ong u wa ki ar tylli ki chrot i synchaar paidbah kitæ ka aiñ wa i em i sñiaw yong bru da haap ki cha khyndaw.

U Asim Munir, u heh ka Pakistan Army da ku kyrdan u kam u Field Marshal ha ka 20 tarik uni u bnai wei da man i iwa ar ha ka ri wow yoh ya ini i kyrdan.

Ini i ku kyrdan wan i heipor wa joor i kynaad wa ka India hadien wa sdang ya ka Operation Sindoor kawa man ka tput yeiwa jia ha Pahalgam.

Related posts

Da kem sa uwi heiyatoh wa i yap u bru seiñ

January 13, 2026

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Hawa thoh ha ki rynsan Social Media, u Imran da ong u wa i synchaar hapoh ka Pakistan da man i katkam ki aiñ khloo.

“Iwa kwah u Blai (Masha’Allah), u General Asim Munir da man u kam u Field Marshal. Dang miat ya oo wow kam u yei kyrdan Syiem heithaw kam u Field Marshal neibhah wa katni ka aiñ ha ka ri da man ko kam ka aiñ khloo wa em u Syiem,” da thoh u Imran.