Da tam ₹ 11 lak u pynkhle ka Panaliar ha ka Lucky Draw uni u snem

Ka chnong Panaliar Jowai hei miet ka 6 tarik da pynlait paidbah ko ya ki Tiket Lucky Draw ki yong ka, ki wow pynkhle ha ka 13 tarik u December, 2025.

Ya ka yalang tbian da pynlai da u Assistant Waheh Chnong ka Panaliar, u Arwotki Sumer heiwa da wan sakhi kam u kongsan da u Nidamon Chulet, uwa man uwi na ki Entrepreneur wa hakhmat yong ki District Jaiñtia hi waroh kawi wei da ya wanlang wa oo wa u Roiki Iakai.

Ki kyntien yahkhmat da yoh na u Riquoma Rq. Laloo, Waheh Chnong ka chnong Panaliar, uwa da khana tbian yei lai luti ka chnong Panaliar, hei wow pynmih poisa neibynta ki thmu wa bha yong ka na ki por cha ki por. Da ong u, wa nadooh ki por nachwa hadooh katni, ki khon ka chnong Panaliar toh kiwa kyllooid mynsien bait hei wow yarap ha kiwon kiwon ki kaam chnong.

Da pyntip u wa ka Fete ha uni u snem toh yow pynmih poisa neibynta wow pyndep ya ka Indoor Sports & Games Complex wei i yoh yarap poisa wa hakhmat dooh toh nei noh kyllooid mynsien ki khon ka chnong, nadooh ki por ya ka Yungwalieh, ka Yungskur wa kate ka Indoor Sports & Games Complex. Ong won u wa ym ye hi u len yei yarap ka sorkar katwa joh wa jam ko; da jooh yoh hi leh na ki Local MDC, Local MLA wa na MP Rajya Sabha kamjooh na u Governor.

Related posts

Da ka Thar, ka Royal Enfield Classic wa ka Yamaha YZR u pynkhle ka chnong Rymbai

September 5, 2025

Daw pynyoo biang ya ka phlim Jaintia – Ka Nongmuna

September 4, 2025

Kamtæ da yooluti u wa ha uni u snem leh u yoh nong deiwa wan yarap na waroh ki liang deiwa khut u ya ki khon ka chnong wow yakreh dohyap nadooh myntu ter ter hadooh wa poi ka Fete. Pynbood u deiwa khut ya ki lok ki jor najan najngai wow ya thied ya ki Ticket wei u wan pynchongchit ha ka Fete.

Neiliang u Nidamon Chulet da yaroh bha u ya ka chnong Panaliar kawa man kawi na ki chnong wa da che da stat ha kiwa boon ki liang. Heini i por leh ong u wa stat ko u pynmih sa ka Indoor Sports & Games Complex, kawa man kawi ka luti chei bha ya uwi pa kawi, neibhah ka Sports hi toh kawa emkaam bha hei doh i pran u bru næ ka bru deiwa kyntu u ya ki bei ki pa, wym hoi u khang ya ki khon u yaleh Sports ki.

Ong u, katni ymtoh de kam i por nachwa, na ka Sport da ye u kamai ja kpoh wow psa ya ka yung ka sem, ymtoh wow chaniah bait ha ki kaam sorkar. Kyntu haroh u ya ka chnong Panaliar wow pynneh pynsah yei mynsien yatylli yong ka kam na ki por nachwa, neibhah manda yatylli, pynyohnong ko ya ka chnong, manda yohnong ka chnong won man ko kawa phooh wa phieñ ha waroh ki liang. Khut u ya ki lok najan najngai wow e bor e mynsien ya ka chnong Panaliar, deiwa wan cha ka Fete yong ka, ka wow man ha ka 12 wa 13 tarik u December 2025 wei ong u ham ya dam u thied haroh wa ki Ticket Lucky Draw, kiwa yoosuk ki Prize wa da pynkhreh na ka chnong Panaliar.

Da e leh ki kyntien wow pyn-eh-bok pyn-eh-nasib ya ka chnong hadooh wa dep hi ka Fete.

Da yoh ya ki kyntien e khublei na u Marryngkat Syngkon, General Secretary ka chnong Panaliar wei heijooh i por da pynbna haroh u ya ki Prize kamni : 1^st Prize ₹700,000; 2^nd Prize ₹300,000; 3^rd Prize Yamaha Scooty næ ye u chim da ka poisa ₹100,000 lada kwah kiwa pam, neitæ 5(san) tylli ki Consolation Prize heidor ₹10,000 kawi. Da ong haroh u wa, lada em kiwon kiwon ki lok wa kwah u leh Pre-Booking ya ki Ticket, ye ki u Phone ha kini ki Number- 8974594820/8794864344.