I e tika hapoh ka jylla Meghalaya da tam i 11 lak (11,00,558) sien deiwa e 11,075 sien ynne ka sngi wa kynthup ya ki HCW 159 ngut, ki FLW 1070 ngut, kiwa 18 snem chaneiñ 5735 ngut wa kiwa 45 snem chaneiñ 4111 ngut.
Kiwa dang yoh ynne kynthup lang ki ya ki 6923 ngut kiwa da yoh tika chisien wa 4152 ngut kiwa da yoh tika la arsien. Waroh kiwa da yoh tika chisien da em ki 8,97,957 ngut katwa kiwa da yoh la arsien ynne da tam ki 2 lak ngut deiwa em 2,02,601 ngut.
Ki District wa da tam 1 lak ngut wa da yoh tika chisien toh ka East Khasi Hills (2,75,526 ngut) wa ka West Garo Hills (1,77,656 ngut) kiwa man leh ki ar District wa em kiwa boon dooh kiwa da yoh tika la arsien.
Deiwa kheiñ da ka Percentage, kiwa boon dooh kiwa da dep yoh tika toh ha South West Garo Hills (61.52%), East Jaiñtia Hills (55.60%), West Garo Hills (52.02%), East Khasi Hills (48.80%), Ri-Bhoi (42.57%) wa ka South West Khasi Hills (41.64%).
Deiwa kheiñlang waroh ki District, kiwa da yoh tika chisien da em ki 44.33%.
