Ka jylla Assam da tam ko 15 hajar ngut kiwa yoh COVID-19 ynne ka sngi deiwa em sa 936 ngut kiwa dang yoh.
Ya ini da pyntip da u montri i chait i khiah ka Assam u Himanta Biswa Sarma ynne i miet deiwa ong leh wa na kini ki 936 ngut, 521 ngut toh kiwa na Guwahati.
Ynne da em leh 7 ngut kiwa yap kiwa 42 snem, 68 snem, 72 snem, 70 snem, 63 snem, 47 snem wa 65 snem i rta.
Da pyntip u leh wa kiwa chait ynne ka sngi da em ki 701 ngut.
Waroh kiwa yoh COVID-19 ha Assam da em ki 15536 ngut, kiwa da chait da em ki 9848 ngut, kiwa dang em ya uni u khñiang da em ki 5650 ngut, 35 ngut kiwa yap wa 3 ngut kiwa da mih napoh ka jylla.
