Kiwa chah ktah ha u COVID-19 hapoh ka ri India ha kini ki 24 kynta da em ki 48,513 ngut iwa da pynpoi ya waroh kiwa da dep yoh ya uni u khñiang wow tam 15 lak ngut, katkam ka yukheiñ ka Ministry of Health & Family Welfare waka ICMR.
Na kini kiwa dang chah ktah, da em 35,286 ngut kiwa chait iwa man leh ka sngi wa 6 wa da em palat 30 hajar kiwa chait man-ka-sngi. Kiwa dang em ya u COVID-19 won da ku ki da 12,495 ngut (iwa pynpoi 5 lak) katwa kiwa yap da em sa 768 ngut.
Na ki jylla wa hiar kiwa dang em ya u COVID-19, boon dooh toh ha Maharashtra wa hiar da 2,898 ngut wei ha Delhi leh da pteiñ biang i duna kiwa dang em ya uni u khñiang da 107 ngut.
Na ki jylla wa boon dooh kiwa chait da em 10,333 ngut ha Maharashtra katwa ka jylla wa boon dooh kiwa ku kiwa dang em ya uni u khñiang toh ha Andhra Pradesh 4,826 ngut.
Hapoh ka ri, kiwa chait da em ki 64.51% iwa ku naka 64.24% kiwa em waroh 988,029 ngut, kiwa dang em ya uni u khñiang da em ki 33.26% iwa hiar naka 33.51% kiwa em waroh 509,447 ngut, wa 2.23% kiwa yap kiwa em 34,193 ngut. Waroh da poi 15,31,669 ngut kiwa da dep yoh COVID-19.
Kiwa chait da tam ki da 4,78,582 ngut ya kiwa dang em ya u COVID-19 iwa ku da 22,827 ngut nadooh ynnin ka sngi.
