I e tika yada COVID-19 hapoh ka jylla Meghalaya ynne ka sngi da tam i 16 lak sien hadien wa tam 15 lak sien ha ka 24-09-21 iwa mut wa da ye wow e palat 1 lak sien ha ki 15 sngi katwa naka 14 lak cha ka 15 lak da chimpor 12 sngi.
Ynne ka sngi da e tika 6025 sien wa kynthup yak i HCW 34 ngut, ki FLW 94 ngut, kiwa 18 snem chaneiñ 5093 ngut wa kiwa 45 snem chaneiñ 804 ngut. Kiwa dang yoh tika ynne ka sngi kynthup ki leh ya ki 849 ngut kiwa yoh yei sien nyngkong wa 5176 ngut kiwa yoh la arsien.
Ini da mut wa waroh kiwa da yoh tika chisien da em ki 53.4% katwa kiwa da yoh la arsien da em ki 25.8%.
Ki ar tylli ki District kiwa da tam palat 1 lak ngut kiwa da yoh tika chisien toh ka East Khasi Hills (3,13,066) wa ka West Garo Hills (2,05,788) wei ka East Khasi Hills da man ko leh du ka kawa da em palat 1 lak ngut (1,93,298) kiwa da dep yoh tika la arsien.
Kiwa duna dooh kiwa da yoh tika chisien toh ha South West Khasi Hills kiwa em 33,146 ngut iwa pynbood sa ka South South Garo Hills kiwa em 39,105 ngut wa ka East Garo Hills 46,471 ngut katwa ha kiwi ki District da em ki palat 50,000 ngut kiwa da yoh tika chisien.
Deiwa kheiñ da ka Percentage, kiwa heh dooh toh ha South West Garo Hills 76%, ka East Jaiñtia Hills 73.3% wa ha West Garo Hills 60.3%.
Ki le tylli ki District wa duna Percentage dooh toh ha West Khasi Hills 39.1% iwa pynbood sa ka South Garo Hills 41.6% waka West Jaiñtia Hills 44.9%.
Waroh kiwa da yoh tika chisien da em ki 10,81,090 ngut wa 5,22,146 ngut kiwa da yoh la arsien.
