Ka jylla Meghalaya ynne ka sngi da tam ko 17 lak sien i e tika yada COVID-19 deiwa e 8296 sien wa kynthup ya ki HCW 38 ngut, ki FLW 80 ngut, kiwa 18 snem chaneiñ 6867 ngut wa kiwa 45 snem chaneiñ 1311 ngut. Kiwa dang yoh tika ynne kynthup ki leh ya 1079 ngut kiwa yoh yei sien wa nyngkong wa 7217 ngut kiwa da yoh yei sien wa ar.
I poi naka 16 lak sien cha ka 17 lak sien da chimpor 16 sngi katwa naka 15 hadooh 16 lak da chimpor 15 sngi wa na 14 lak cha ka 15 lak da chimpor 12 sngi.
Ini da mut wa kiwa da yoh tika chisien hapoh ka jylla da em ki 54.1% heiwa kiwa da yoh waroh arsien (ynne ka sngi da tam ki 6 lak ngut) da em ki 29.9%.
Ki District wa da tam 1 lak ngut kiwa da yoh tika chisien toh ka East Khasi Hills (3,16,800) wa ka West Garo Hills (2,08,437) wei kini leh da man ki ki ar District wa em palat 1 lak ngut kiwa da yoh tika la arsien- East Khasi Hills (2,16,842) wa ha West Garo Hills (1,12,917).
Kiwa duna dooh kiwa da dep yoh tika chisien toh ka South West Khasi Hills (33,316) waka South Garo Hills (39,815) katwa ha kiwi ki District kiwa da yoh tika chisien da em ki palat 47,000 ngut.
Deiwa kheiñ da ka Percentage kiwa heh dooh toh ha South West Garo Hills 77.4% iwa pynbood saka East Jaiñtia Hills 74.3% waka West Garo Hills 61.0%.
Kiwa duna Percentage dooh toh ka West Khasi Hills 39.6% katwa ha kiwi ki District da em ki palat 42%. Katwa ki District wa da em palat 50% kiwa da yoh tika da em ki soo tylli.
Waroh kiwa da yoh tika chisien da em ki 10,96,483 ngut wa 6,07,110 ngut kiwa yoh la arsien iwa da man waroh 17,03,593 sien.
