I e tika yada COVID-19 hapoh ka jylla Meghalaya ynne ka sngi da tam i 20 lak sien deiwa e 7901 sien ynne ka sngi wa kynthup ya ki HCW 15 ngut, ki FLW 107 ngut, kiwa 18 snem chaneiñ 6343 ngut wa kiwa 45 snem chaneiñ 1436 ngut. Kiwa dang yoh tika ynne kynthup ki leh ya 3254 ngut kiwa yoh yei sien wa nyngkong wa 4647 ngut kiwa yoh yei sien wa ar.
I poi cha ka 20 lak sien da chimpor i 17 sngi, na 19 lak sien cha ka 18 lak da chimpor 11 sngi, naka 17 lak cha 18 lak da chimpor 13 sngi, na 16 lak cha ka 17 lak da chimpor 16 sngi, naka 15 lak cha 16 lak da chimpor 15 sngi wa na 14 lak cha ka 15 lak da chimpor 12 sngi.
Ini i poi naka 19 lak cha ka 20 lak deiwa kheiñlang da man wa da e tika kamwa 5,882 sien chi sngi. Katwa naka 18 lak cha ka 19 lak da man ko kamwa 9,090 sien chi sngi.
Deiwa poi 20 lak sien wa da dep e tika hapoh ka jylla ini da mut wa kiwa da dep yoh tika chisien da em ki 58.1% wa 41.4% kiwa da yoh tika la arsien.
Ki District wa da tam 1 lak ngut kiwa da yoh tika chisien toh ha East Khasi Hills (3,28,243), West Garo Hills (2,23,482) wa ha Ri-Bhoi (1,01,642). Ka East Khasi wa ka West Garo leh toh ki ar District wa da em palat 1 lak ngut kiwa da yoh arsien yei tika.
Deiwa kheiñ da ka Percentage kawa heh dooh toh ka South West Garo Hills 86.9% iwa pynbood saka East Jaiñtia Hills 78.4% katwa kiwa dang em hapoh 50% toh ka West Garo Hills 42.2% waka West Jaiñtia Hills 48.3%.
Waroh kiwa da yoh tika chisien da em ki 11,76,543 ngut wa 8,28,845 ngut kiwa da yoh la arsein iwa da man waroh 20,05,388 sien.
Waroh i e tika hapoh ka jylla man i kamni ha wah:
