Kiwa yoh COVID-19 ha Assam ynne ka sngi da tam ki 21 hajar deiwa em 1218 ngut kiwa dang yoh iwa man leh iwa boon dooh haka chi sng ha uni u bnai.
U montri i chait i khiah ka Assam u Himanta Biswa Sarma da pyntip u wa na kini ki 1218 ngut, 570 ngut toh kiwa na Guwahati.
Kiwa chait da em ki 551 ngut, wa kynthup leh ya kawi kawa 80 snem kawa tip pyrtuid kam ka Anima Boro kawa chah sumaar ha GMCH kawa da chitom joor bha tangwa da ye wow pynchait yaka.
Ynne da em leh uwi uwa yap uwa 75 snem uwa na Kamrup uwa chah sumaar ha GMCH.
Waroh kiwa da yoh COVID-19 ha Assam da em ki 21864 ngut, kiwa da chait da em ki 14105 ngut, kiwa dang em ya uni u khñiang da em ki 7705 ngut, kiwa yap 51 ngut wa 3 ngut kiwa da mih napoh ka jylla.
