Kiwa yoh COVID-19 ha Assam da tam ki 22 hajar ngut ynne ka sngi deiwa em 1117 ngut kiwa dang yoh, da pyntip u montri i chait i khiah ka Assam u Himanta Biswa Sarma.
Da pyntip u leh wa na kini ki 1117 ngut, 515 ngut toh kiwa na Guwahati donhi.
Ynne da pyntip u leh wa da em 2 ngut kiwa yap na u COVID-19 kiwa 61 snem wa 62 snem i rta.
Da kyntu u leh ya kitu kiwa chait na u COVID-19 kiwa yoh ya uni u khñiang deiwa em i chitom wow e yei snam yong ki (Convalescent Plasma) yow pynemkaam u sumaar ya kiwa chitom na u COVID-19.
Da pyntip u leh wa ynne wa da em 1060 ngut kiwa chait.
Waroh kiwa yoh COVID-19 da poi ki 22981 ngut heiwa kiwa chait da em ki 15165 ngut, kiwa dang em ya uni u khñiang da em ki 7760 ngut, 53 ngut kiwa yap wa 3 ngut kiwa da mih napoh ka jylla.
