Kiwa yoh COVID-19 ha Assam da tam ki 25 hajar ngut ynne ka sngi deiwa em sa 1093 ngut kiwa dang yoh, da pyntip u montri i chait i khiah ka Assam u Himanta Biswa Sarma.
Da pyntip u leh wa na kini ki 1093 ngut, da em 448 ngut kiwa na Guwahati.
Da ong u leh wa ynne da Test palat 20,000 tylli ki Sample wei kiwa da chem wa yoh COVID-19 da em ki 5% donhi.
Ynne da em leh uwi uwa 45 snem i rta uwa yap uwa chah sumaar ha GMCH Guwahati uwa yoh COVID-19.
Da pyntip u leh wa kiwa chait ynne da em ki 1072 ngut heiwa waroh kiwa chait da poi ki 68.12%.
Waroh kiwa yoh COVID-19 ha Assam da em ki 25092 ngut, kiwa chait da em ki 17095 ngut, kiwa yap 58 ngut wa 3 ngut kiwa da mih napoh ka jylla.
