Kiwa dang yoh COVID-19 ha Assam ynne ka sngi da em ki 1862 ngut iwa pynpoi ya kiwa da yoh ya uni u khñiang palat 40 hajar ngut.
U montri i chait i khiah ka jylla Assam u Himanta Biswa Sarma da pyntip u wa na kini ki 1862 ngut, kiwa boon toh na Kamrup (M) 281 ngut, na Kamrup (R) 202 ngut, na Cachar 140 ngut, na Sontipur 129 ngut, na Dibrugarh 117 ngut, na Nagaon 114 ngut wa na Jorhat 105 ngut.
Ynne da pyntip u leh wa em 4 ngut kiwa yap na u COVID-19 kiwa 68, 30, 68 wa 59 snem i rta.
Kiwa chait ynne da em ki 1277 ngut.
Waroh kiwa da dep yoh COVID-19 da em ki 40269 ngut, kiwa chait da em ki 30357 ngut, kiwa dang em ya uni u khñiang da em ki 9811 ngut, 98 ngut kiwa yap wa 3 ngut kiwa da mih napoh ka jylla.
