Hadooh 10:30 i step ynne ka 23 tarik, ka Ministry of Health & Family Welfare da pyntip ko wa kiwa yoh ya u khñiang COVID-19 da em ki 415 ngut (Active Case) iwa ku da 86 ngut nadooh ynnin ka sngi heiwa da em 329 ngut.
Deiwa kheiñlang waroh kiwa da yoh ya u COVID-19 nadooh ki nong India, ki baar ri, kiwa da chait wa kiwa da khlaad da poi 421 ngut. Na kini 349 ngut toh ki nong India, 41 ngut ki baar ri, 24 ngut kiwa da chait wa 7 ngut kiwa yap.
Ki jylla kiwa da ku kiwa yoh ya uni u khñiang nadooh ynnin toh ka Kerala kawa da poi 60 ngut nei 45 ngut ki nong India katwa ki baar ri dang neh 7 ngut, ha MP da ku cha 6 ngut na 4 ngut, ha Rajasthan da em 25 ngut iwa ku da 3 ngut, ha Tamilnadu da em 7 ngut iwa ku da 2 ngut, ha Telegana da em 15 iwa ku da 3 ngut, ha Uttar Pradesh da em 27 ngut iwa ku iwi wa ha West Bengal wa em 7 ngut iwa ku 3 ngut.
Ka Maharashtra dang man hi ko kawa boon dooh wa yoh ya u COVID-19 tangwa da neh katjooh nadooh ynnin iwa em 64 ngut ki nong India, 3 ngut ki baar ri wa 2 ngut kiwa yap.
Discussion about this post