Ka jylla Nagaland da tam ko yaka 400 ngut kiwa yoh COVID-19 deiwa em sa 25 kiwa dang pyntikna.
Ya ini leh da pyntip da u montri i chait i khiah ka jylla u S Pangnyu Phom ynne i step deiwa ong wa ya kini ki 25 ngut da chem deiwa Test lang yaki 609 ngut.
Na kini, 20 ngut toh kiwa leh Quarantine ha Dimapur Quarantine Centre, 3 ngut ha Kohima wa 2 ngut ha Peren.
Ynnin ka sngi hadien wa u Phom da pynbna u hei step wa em 4 ngut wa yoh COVID-19, da pynbna u wa da em sa 12 ngut kiwa yoh kiwa leh Quarantine ha Mon wei da em leh 2 ngut kiwa da chait.
Wa kini, kiwa da yoh COVID-19 ha Nagaland da em ki 412 ngut heiwa kiwa dang em ya uni u khñiang da em ki 248 ngut katwa kiwa chai tem ki 164 ngut.
