Kiwa dang yoh COVID-19 ha Manipur da em ki 91 ngut kiwa 51 ngut ki chynrang wa 40 ngut ki kynthai kiwa man ki bru paidbah wa 39 ngut ki bru ka Central Armed Police Force (CAPF), katkam wa pyntip u Dr. Khoirom Sasheekumar Mangang, Additional Director & Spokesperson Health Department, Manipur.
Na ki 91 ngut ki bru paidbah wa dang yoh, 4 ngut toh kiwa liwan na baar jylla katwa ki 87 ngut won toh kiwa ym em lai cheiwon cheiwon wa jngai wei da kit yaki cha ki thaw sumaar COVID-19.
Ha kini ki 24 kynta da em leh 64 ngut kiwa da chait kiwa da yoh wow mih Hospital.
Waroh kiwa da dep yoh COVID-19 ha Manipur da em ki 4112 ngut (3117 ngut ki bru paidbah wa 935 ngut ki Central Security Personnel). Kiwa chait waroh da em ki 2295 ngut (2123 ngut ki bru paidbah wa 172 ngut ki Central Security Personnel). Kiwa dang em ya uni u khñiang da em ki 1804 ngut (ki bru paidbah 1041 ngut wa 763 ngut ki Central Security Personnel). Kiwa chait da em ki 55.81%.
Ynne da em leh uwi uwa 37 snem uwa yap uwa na Imphal West uwa yoh COVID-19 uwa em yaka Hypertension iwa da pynpoi ya waroh kiwa yap cha ka 13 ngut.
