Ka ri India da poi ko sa ha uwi u moomær ha ka thma yaleh pyrchah ya ka khlam COVID-19 deiwa poi 50 klur sien i e tika iwa 50,10,09,609 sien hadien wa e ynnin ka sngi da 49,55,138 sien. Kiwa boon dooh kiwa da dep yoh tika toh kiwa em 18-44 snem i rta kiwa da em 17,26,01,639 ngut kiwa da yoh tika chisien.
Kiwa dang yoh COVID-19 ha India ha kini ki 24 kynta da em ki hapoh 40,000 ngut deiwa em 38,628 ngut, kiwa dang chait da em ki 40,017 ngut, kiwa yap 617 ngut iwa mut wa kiwa dang em ya uni u khñiang da hiar ki da 2,006 ngut. Kiwa dang yoh da neh ki hapoh 50,000 ngut la 41 sngi.
Ynnin ka sngi da em 11 tylli ki jylla wa boon da kiwa dang yoh ya kiwa chait kiwa boon dooh wa tam ha Andhra Pradesh (291), Kerala (281) wa ha Himachal Pradesh (117).
Ki jylla wa boon dooh kiwa dang chah ktah toh ha Kerala (1,78,722), Maharashtra (77,905), Karnataka (24,354), Andhra Pradesh (20,593), Tamil Nadu (20,185), Odisha (11,501), Assam (11,719), West Bengal (10,642) wa ha Telangana (8,674).
Ki jylla wa duna dooh wa em kiwa dang chah ktah toh ha Andaman & Nicobar Islands (04), Dadra and Nagar Haveli and Daman and Diu (12), Chandigarh (27), Ladakh (65), Lakshadweep (68), Madhya Pradesh (158), Gujarat (204), Jharkhand (226), Rajasthan (233), Bihar (357), Punjab (473), Uttarakhand (513), Delhi (516), Uttar Pradesh (619), Haryana (690) wa ha Puducherry (872).
Ynnin da leh 17,50,081 tylli ki Test heiwa kiwa chah ktah da em ki 2.21% kawa tip leh kam ka Positivity Rate kawa da neh hapoh 3% la 12 sngi wa hapoh 5% la 61 sngi.
Waroh kiwa da chait da em ki 97.37% kiwa em 3,10,55,861 ngut, kiwa dang chah ktah da em ki 1.29% kiwa em 4,12,153 ngut, kiwa yap 1.34% kiwa em 4,27,371 ngut, deilang dapoi 3,18,95,385 ngut kiwa da dep yoh ya uni u khñiang hapoh ka ri.
Kiwa da yoh tika hapoh ka ri 
