Kiwa yoh COVID-19 ha Assam ynne ka sngi da tam ki 71 hajar ngut deiwa em 2796 ngut kiwa dang yoh kiwa da chem na ki 61,318 tylli ki nongmuna kiwa da dep Test ha kini ki 24 kynta, katkam wa pyntip u montri i chait i khiah ka jylla u Himanta Biswa Sarma.
Da pyntip u leh wa na kini kiwa dang yoh da em 418 ngut na Kamrup (M), 307 ngut na Cachar, 248 ngut na Kamrup (R) wa 207 ngut na Dibrugarh.
Kiwa chait ynne ka sngi da em ki 2174 ngut.
Ynne da em leh 8 ngut kiwa yap na u COVID-19 kiwa 78, 53, 47, 52, 39, 58, 53 wa 43 snem i rta.
Waroh kiwa da dep yoh COVID-19 ha Assam da em ki 71795 ngut, kiwa chait da em ki 49383 ngut, kiwa dang em ya uni u khñiang da em ki 22240 ngut, 169 ngut kiwa yap wa 3 ngut kiwa da mih napoh ka jylla.
