Kiwa dang yoh COVID-19 ha Meghalaya da neh ki hapoh 50 ngut la 11 sngi, hapoh 100 ngut la 35 sngi wa hapoh 200 ngut la 51 sngi heiwa ynne kiwa dang yoh da boon biang ki ya kiwa chait hadien 6 sngi iwa da pynman ya kiwa dang yoh wow tam ki 84,000 ngut.
Kiwa dang yoh ynne ka 12 tarik da em ki 44 ngut, kiwa dang chait 21 ngut wei ym em kiwa dang yap.
Na kiwa dang yoh kiwa boon dooh toh ha East Khasi Hills 32 ngut, mar 3 ngut ha East Jaiñtia, West Garo wa ha West Khasi Hills wa mar 1 ha East Garo, Ri-Bhoi wa ha West Jaiñtia katwa ha kiwi ki 4 tylli ki District ym em kiwa dang yoh.
Na kiwa dang chait kiwa boon dooh toh ha East Khasi Hills 14 ngut wa mar arngut ha East Jaiñtia wa ha West Garo Hills.
Ki District wa boon dooh kiwa dang chah ktah toh ha East Khasi Hills (215), West Garo Hills (25), West Khasi Hills (21) wa ha Ri-Bhoi (15).
Ki District wa duna dooh kiwa dang chah ktah toh ha North Garo Hills (00), South Garo Hills (01), South West Garo Hills (01), South West Khasi Hills (01), East Jaiñtia Hills (04), West Jaiñtia Hills (05) wa ha East Garo Hills (08).
Waroh kiwa da chait da em ki 97.90% kiwa em 82,248 ngut, kiwa dang chah ktah da em ki 0.35% kiwa em 296 ngut, kiwa yap 1.74% kiwa em 1462 ngut, deilang dapoi 84,006 ngut kiwa da dep yoh ya uni u khñiang hapoh ka jylla.
Heiyatoh wa i e tika hapoh ka jylla, da dep wow e la 18,43,552 sien heiwa ynne ka sngi da e 7904 sien wa kynthup ya ki HCW 26 ngut, ki FLW 112 ngut, kiwa 18 snem chaneiñ 6589 ngut, kiwa 45 snem chaneiñ 1177 ngut.
Waroh kiwa da yoh tika chisien da em ki 11,25,446 ngut wa 7,18,106 ngut kiwa da yoh tika la arsien.
Kiwa dang yoh, kiwa dang chait, kiwa dang chah ktah wa kiwi kiwi man ki kamni ha wah:
