Da thooh ya ki thaw wow chna 59 tylli ki thaw thang-bru deiwa e yarap ka sorkar Rs.1 lak kawi

Ka Meghalaya High Court da chong bichaar biang ko ya ka mukotduma wa da yaleh da ka Seng Khasi Hima Mawynram heiyatoh wa ki thaw thang bru wei pdiang ko yei jubab ka sorkar ya ki kaam wa da leh ka State Level Committee wow jied ya ki thaw thang-bru ha kylleiñ ka jylla. 

Ka Committee da yaklam ko leh wa ki Dorbar Chnong, ki Deputy Commissioner, ki Autonomous District Council wow jied ya ki 59 tylli ki thaw thang-bru.

Neiliang ka sorkar jylla leh da booh bhah ko Rs. 1 lak kawi ka thaw thang-bru wei u pyndap won kiwi ki seiñ ki chnong yeiwa dang duna. 

Related posts

Ya tyrrah le tylli ki Truck ha i jooh i thaw | Kat wym pu pynchna ya u NH-6 daw pteiñ ong kiwa chong chnong ka Rattacherra

January 9, 2026

Kular u heh spah ka India wow e palat 75% ka poisa u cha ka imlang sahlang hadien wa khlaad syndet u khon

January 9, 2026

Chooh chooh ka State Level Committee da pait bniah ko leh yei pynkrehkaam ya ka hukum ka Court wei daw e ko ya ka dorkhat katwa yah i kaam wei lai i por.

Ka Division Bench wa kynthup ya u Chief Justice Soumen Sen wa u Justice HS Thangkhiew ynnin ka sngi da rah tarik ki ya ka bichaar chadooh ka April 15, 2026 deiwa phah leh ya ka sorkar wow e dorkhat ko heiyatoh wa i kaam wa da leh.