Ka Ministry of Law & Justice sorkar pyrdi da pynbna ko lyngba ka President ka ri yei pyrtuid ki Chief Justice thymme yong ki 6 tylli ki High Court wa em hapoh ka ri wa kynthup yaka Rajasthan, Uttarakhand, Orissa, Guahati, Allhabad waka Meghalaya High Court.
Ha Meghalaya High Court da thung da u S. Vaidyanathan uwa man kam u Judge ka Madras High Court.
U Justice Vaidyanathan toh uwa man katni kam u Judge ka Madras High Court nadooh u snem 2013 wei da sdang u yei lai luti kam u muktiar nadooh u snem 1986.
Kam u Judge ha ki 10 snem da thoh u ya 1,219 tylli ki bichaar heiwa 629 tylli du ha ki 5 snem wa da dep.
Kam wow pynkynmoo wa ka Meghalaya High Court ym em Chief Justice ko da uwa pura nadooh u Khonchonglad (Nov), 2023 hadien wa chong ngiah noh u Justice Sanjib Banerjee. Heiwa katni da pait da u Justice HS Thangkhiew kam u Acting Chief Justice ka Meghalaya.
Discussion about this post