Ka khloor yaphet Sports ka ri kawa na jylla Assam ka Hima Das, ynne ka sngi da thung ya ka kam ka Deputy Superintendent of Police (DSP), Assam ha ka yalang wa da pynman ha Sarusajai Stadium, Guwahati
Neiliang u Lakhya Konwar, General Secretary ka Assam Olympic Association da ong u wa ya ini da ye wow thung ya ka kam ka DSP toh nei rai ka sorkar hapoh i yahkhmat yong u montri rangbah ka Assam u Sarbananda Sonowal.
Ha kani ka sngi hajrong wa da e ya ka chithi thung kreh ya ka Hima Das kam ka DSP da thung kreh leh ya ki 597 ngut ki pulit Sub-Inspectors of Police.
U montri rangbah ka jylla Assam, u Sarbananda Sonowal da man u kam u kongsan hei emlanh u montri ka sorkar jylla wa pait ya i chait i khiah, u Himanta Biswa Sarma uwa da man kam u symbood kongsan.
Kam wow pynkynmoo heini, ka Hima Das ya kawa da khut sin leh kam ka Dhing Express da rah naam ko ya ka ri ha ki lympung yakob yaphet 100 m, 200 m wa 400 m kam ha ka Asian Games, World U20 Championships wa kiwi kiwi.
Ka sorkar Assam da rai ko wow thung kreh kam ki DSP ha ka Assam Police ya kiwa rah naam (Medal Winners) ha ka Olympics, Asian Games wa Commonwealth Games heiwa u thung ya ki kam ki Class-I Officer.
