Khliehriat: U Deputy Commissioner and Chairman, District Disaster Management Authority, East Jaiñtia Hills District, da pyntip u wa katkam ka buit wa da e da ka sorkar pyrdi wow yada ya ki paidbah na ka khlam u COVID-19 (Coronavirus) da rai wow pynkrehkaam noh ya ka kyndon Section 65 (a) (Powers of requisition of resources provision, vehicles, etc, for rescue operations, etc), Chapter XI yong ka aiñ Disaster Management Act, 2005.
Kamtæ da thung ya ki bru wa kiwa kreh sorkar wow man ki kam ki Medical Volunteers wei ini u krehkaam i nadooh wa pynmih ya kani ka hukum.
I kaamram kini ki Volunteer toh wow pait ya ki thaw, ki chnong wa ye u chah ktah ha u COVID-19, kiwa suba wa em ya uni u khñiang kiwa kynthup ya kiwa dadep test wa kiwa ympu em dep test.
I kaamram yong ki leh woh wow pynsñiawthooh wei wow pynche paidbah khamtam hajrong i emkaam wow jngai iwi na iwi namo ka Social Distancing, i kongsan wow pyntip wei wow chong kset ha yung (Self Reporting & Home Quarantine), wow sait kti dei langær wa kiwi kiwi.
Chooh chooh kini ki Volunteers u kreh ki chirup wa ki bru ka chnat i chait i khiah wa kiwi kiwi wei wow pyntip (Report) dei langær yeiwa da leh ki.
Also Read: Khut Volunteer ka sorkar wow yarap yaleh pyrchah ya u COVID-19
Discussion about this post