Ka seiñ ki tre truck kawa dang seiñ thymme kawa da e pyrtuid ka East Jaiñtia Hills Truck Owner and Transporter Association (EJHTOTA), da yoh ko ya kiwa kitkaam wa thymme wa pura hadien wa pynman ya ka yalang paidbah ha ka 20 tarik uni u bnai ha Mookhep Committee Hall, East Jaiñtia Hills heipor 12:00 waje pyrdi sngi.
Ya ka yalang da pynlai da u Acting Chairman, u Deolangki Dkhar, waheh chnong ka Wapung Skur, East Jaiñtia Hills uwa da jied ha ka Committee kawa da pynman ha ka 15 tarik uni u bnai ha yung krehkaam yong u Abraham Kyndait wa em marpyrchah ka Petrol Pump Mookhep.
Ha kani ka yalang paidbah da em da ki phaw ngut kiwa em truck kiwa napoh East Jaiñtia Hills District kiwa da wan wei da iwi i yumut da rai wow pdiang yei pyrtuid yong ka Association kawa daw pait yei eh i chon ki tre truck wa em hapoh East Jaiñtia Hills District waroh kawi.
Heijooh i por leh da pynskem ya kiwa kitkaam neibynta ka samoi krehkaam kawa 3 snem kiwa man kamni ha wah:
President- U Kyrshan Dkhar
Vice President- U Skem Sumer
Secretary- U Deolangki Dkhar
Asst Secretary- U Diogostis Kyndait
Treasurer- U Parkash Phawa
Adviser- U Justine Dkhar
Publicity Secretary- U Welking Swer deilang wa ki Executive Member wa ki Member.
