Da thung ya u Acting Dolloi ka Elaka Labang Nongphyllut nadooh u 2023

Ynne ka sngi da pynman ya ka Dorbar Tlang wa chi sngi ka JHADC heiwa u MDC ka VPP, u Daeimi Liam da kylli u wa lada ka Council da thung ko ya u Dolloi ka Elaka Labang Nongphyllut.

Yeini da jubab u CEM ka Council, u Thombor wa da thung ya uni u Dolloi ka Elaka.

Chooh chooh da kylli u Daeimi lada phah ya ka Sanad wa thung Dolloi cha ka sorkar, yeiwa u Thombor da jubab u wa da phah cha ka sorkar wa kiwi ki chnat sorkar.

Related posts

U sdang biang ka Maitri Bus Service na Agartala-Kolkata lyngba Dhaka

February 22, 2026

Phooh phieñ ka Dorbar Bah ka Seiñ Kur Sari deilang i pynkup burom, i rwai i chaad tynre

February 22, 2026

Hawa kylli won yei pyrtuid wa ka tarik wa thung ya uni u Dolloi, u Thombor da pyntip u wa ya u P. Samayang da thung kam u Acting Dolloi nadooh ka 16 tarik u Naiynru 2023.

Chooh chooh u Thombor da khana u wa da kynthuplang leh ya ki pyrtuid ki chnong ha ka Sanad khnang wow yoh myntoi ki lyngba ki Scheme ka sorkar.