Da thung ya u DC ka WJH kam u President ka MBS&G WJHD Association

Jowai: Ka Meghalaya Bharat Scouts and Guides (MBS&G), West Jaiñtia Hills District Association ynne ka sngi da thung ko ya u DC ka District u R. Rapthap kam u District President yong kani ka Association ha ka yalang kawa da pynman ha Conference Hall ka yung krehkaam u DC ka Jowai.

Ya kani ka yalang da pyllai da ka District Chief Commissioner, DSEO, West Jaiñtia Hills ka M. Pde, hei emlang ka State Secretary ka Amelia Swer, u Jt. State Secretary u W. Lyngdoh, ka State HQ Commissioner (G) ka Rithelma Passah, ka State Organising Commissioner (G) ka V. Rapthang, Asst. State Organising Commissioner (S) U Aidor Rryngksai wa ki wa kitkaam yong ka District Association wa kiwi kiwi.

Ya i pynbaam smai da leh da u Jt. State Secretary wei hadien ini da pynkup da ka scarf ha u President wa thymme ka Association da ka State Secretary, u tie da pyndeiñ da ka District Chief Commissioner katwa ya ka Badge nawon da pyndeiñ da ka Distict Commissioner (G) ka S. Tariang.

Ka State Sacretary hei klam yong ka da batai ko ya ka thong wa i rukom krehkaam yong ka MBS&G deiwa ong wa ka thong hi yong ki toh wow pynjanai ya i rukom im yong ki khynnah kamjooh ki khynroo khyllood.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da ong ko leh wa ka MBS&G hadien wa yoo ki ya i ku i pyntkut mynsien ki khynroo khyllood katni, kamtæ da sdang noh ya ka tnat wa tip kam ka kam ka ‘FREE BEING ME’ hajrong ka yurim wow pyncñiawthooh ya ki kynthai wa punkhon yow lait ki u leh roi.

Heijooh i por ka ‘Free being me’ yaleh ko u pyndooh noh ya ki kaam kiwa man pyrchah ya ki khynnah kynthai kamjooh leh ya ki khonboo.

Kani ka project daw yaleh ko wow wanrah ya ki khynnah khynroo khyllood wow im ki deiwa miat wa bha yow lait ki leh u chongkhurim hawa dang khian i rta.

U R. Rapthap kam u President wa thymme kani ka Association hei klam yong oo da e u i sneiñ kyntu heiwa da ong u leh wa nachwa heipor wa dang lai skur u jooh kwah bha u wow man kam u Scout tangwa na ki daw wa boon ym yohlaad u wow man kam u Scout, tangwa ynne dap u dei mynsien wa kmen hadien wa da yoh u kani ka laad wow man kam u President ka MBS&G, West Jaiñtia Hills Associaton.

Heijooh i por kam u President wa thymme, da kular u wow yarap yinsur ya kani ka Association ha iwon iwon i kaam wa emkaam kani ka Association.

Hadien ini da yoh ya ki kyntien e khublei khatduh na ka District Commissioner (G) ka Saramai Tariang.