Hadien wa u President warim ka War Jaiñtia Students’ Union (WJSU), u Namdichai Lamare da ieh syndet noh u yei kaam President wei da mih u leh naka seiñ na ki daw samen yong oo i wym ye u kiar.
Kamtæ neiliang ka Central Executive Committee ka seiñ haka yalang wa da pynman ko haka 8 tarik uni u bnai da thung noh ko da u Finely Swer kam u President wa thymme ka seiñ u wow pteiñ yei kaam wa sahteiñ kamjooh kiwa daw sdang chakhmat.
U Finely Swer u man u kam u Caretaker President nadooh ka 08-05-24 hadooh ka 08-06-24.
Kam u Caretaker President, u Finely u leh yei kaam pura kam u President hadooh wa kut ka tarik wa da booh.
Neiliang ka seiñ da e khublei ko u President warim ya ki por wa da emlang u wow yakrehlang neibynta i bha i miat ka thaaiñ War Jaiñtia, heijooh i por leh pyn-eh-daw ko ya oo ha ki kam wa chaphrang yong oo.
Discussion about this post