U Pope Francis da thung u ya u Fr. Ferdinand Dkhar (59 snem) uwa man katni kam u Administrator ka Jowai Diocese yow man noh u kam u Bishop wa pura ka Jowai nadooh myntu ka sngi ka 8 tarik.
Ya u Fr. Ferdinand da kha ha Iongkaluh kawa dang em hapoh ka Jowai Diocese ha ka 26-02-23 wei hadien wa pyndep u ya ka Minor Seminary ha Upper Shillong, Meghalaya, da lai puræ Philosophy u ha Christ King College wei ya ka Theology ha Oriens Theological College wa em ha Shillong Archdiocese. Da pynyntang ya oo kam u Lyngdoh Soh Blai ha ka 23-01-1994 neibynta ka Jowai Diocese.
Da jooh man u leh kam u Dean of Studies ha Minor Seminary of Shillong (1994-1995); u Assistant Parish Priest ka Annunciation Church, Namdong (1995-2000); u Assistant Parish Priest (2000-2002) neitæ kam u Parish Priest (2002-2007) ha ka Church of the Holy Spirit, Ummulong; kam u Parish Priest ka Annunciation Church wa Principal ka High School ha Namdong (2007-2009); kam u Procurator Jowai Diocese (2009-2021). Nadooh u 2021 hadooh kattæ da man u kam u Diocesan Administrator ka Jowai.
Uwa pait ya ka Jowai Diocese da thylli ko hadien wa da thung ya u Bishop Victor Lyngdoh kam u Archbishop ka Shillong ha ka 28-12-20.
U Fr. Ferdinand Dkhar daw man u kam u Bishop wa le ka Jowai Diocese hadien u Bp. Vincent Kympat (2006-2011) wa u Bp. Victor Lyngdoh (20116-2020). Ka Jowai Diocese toh kawa da pynkha ha u 2006 hadien wa phiah ya ka Shillong Archdiocese.
Hapoh ka Jowai Diocese da em 1,20,275 ngut ki Catholic, 23 tylli ki Parish, 30 ngut ki Diocesan Priest, 41 ngut ki Religious Priest, 83 ngut ki Religious Sister wa 313 tylli ki thaw puræ.
