Da thung ya u Hamarsan Singh Thangkhiew kam u Judge ka Meghalaya HC

Shillong: Ynne ka sngi u President yong ka Ri India da thung u ya u Hamarsan Singh Thangkhiew kam uwa bichaar namo u Judge ka High Court yong ka Meghalaya wei u sdang u krehkaam nadooh ka sngi wa chim u kam uwa bichaar.

Ya in i pynbna da pynmih da ka “Ministry of Law and Justice.” Da i chah thung yong u muktiar Thangkhiew kam u judge da man u leh uwa nyngkong na ka jaitbru wow poi cha kani ka kyrdan.

Kam wow pynkynmoo ha u Naikhynde ka Supreme Court Collegium da tyrwa ko ya i pyrtuid u Thangkhiew wow chah jied u kam u Judge wei kattu ki Judge hapoh ka High Court da poi ko cha le ngut wa kynthup lang ya u Chief Justice.