Kylleiñ soodong i pyrthai myndær,
Su i eh i khoo ya i wa kær,
Wym em wa dooh ym em wa yoh,
Da sympat lut ko ya i waroh.
Lai khih mylla da chah khang lut,
Wa dooh wa duk u yoo, u nood wa kjut,
Da raw da tyrkhaw i kjat i kti,
Kchu ja ha yung da sdang thylli.
Kiwa biang laiñ da dep stock chwa,
Iyi won de yoh ki u pyrwa,
Kat iwa kwah wym boi yieñ laiñ,
Dabiang kiwa SUPPLY ONLINE.
Ki palatsor warep wa thung,
U khoo ki jhoor da yoh pyn na yung,
U leh kammon lym yoh dei ty’e,
I baam i dih wym sñiaw toh sñiaw tne.
Kat mynnu ma-ai u lait nei-ni?
Yow yoh biang u khih u kreh deiwi,
Samboi pathan wym yap na ka khlam,
Ya smat u chem da ka yap thngan.
Discussion about this post