Da tipmit dang du 17 tylli ki BMC ha waroh kawi ka East Jaiñtia ki wow yada ya ka rymaw

Khliehriat: Ka International Biodiversity Day ynne ka sngi da lehwarom ya ka da ka yung krehkaam ka Divisional Forestry Officer, Social Forestry Division, Jowai ha Secred Heart Secondary School Lamyrsiang, East Jaiñtia Hills District hajrong ka phang “Our Biodiversity, our Food, our Health”.

Ha kani ka sngi u Veivekanand Singh, IPS, Superintendent of Police, East Jaintia Hills District da man u kam u kongsan hei emlang ka N. Laloo, District Forest Officer, Jowai, u J. Kharbudon, Range Forest Officer, Khliehriat, u Dominic Pala uwa man kam u waheh chnong ka Lamyrsiang, u Damewanhi Rymbai uwa man kam u Chairman ka Moolamylliang Biodiversity Management Committee, u S. Danial Lyngdoh, Chairman Joint Forest Management Committee, Sutnga, wa kiwi kiwi.

Ka N. Laloo da khana ko ya ka thong wa da pynman ya ka International Biodiversity Day kamjooh leh i myntoi wa ye u yoh na ka. Da khana ko leh yei myntoi wa yoh ki bru nadooh ki por warim deiwa chaniah ya ka rymaw, deiwa e nongmuna wa e ko ya ki thaw rieh thaw sah, ki dawai dachin wa kiwi kiwi.

Da pynchlur ko leh ha ki khynnah wow sdang u thung dieñ khnang wow ye u yada ya ka rymaw na i kylla i suiñ bneiñ. Chooh chooh da ong ko wa ha waroh 17 tylli ki Biodiversity Management Committee (BMC) kiwa da tipmit ha East Jaiñtia Hills District hajrong ka thong wow pynneh pynsah ya ki mrad ki mriang hapoh ka District da emkaam wow chimkhia noh ki khynnah skur neibynta ka mynried yong ki. Da pynksan ko leh yeiwa emkaam wow pynneh pynsah ya ka rymaw waroh kawi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u Vivekanand Singhda e yaroh u ya ka chnong wa rben ki dieñ hapoh ka chnong deiwa kyntu leh ya waroh wow pynneh ya ka rymaw.

Ha kani ka sngi u kongsan da saam u leh ya ki khusnaam cha kiwa jop ha ki yakob wa da pynman hajrong ka phang “Our Biodiversity, Our Food, and Our Health”.

Ya ka yalang da pynlai da u J. Kharbudon, Range Forest Officer, Khliehriat. Kiwi kiwa da e i klam ha kani ka sngi kynthup ki ya u Damewanhi Rymbai, Chairman Moolamylliang Biodiversity Management Committee (BMC), u S. Daniel Lyngdoh, Chairman Joint Forest Management Committee, Sutnga u Dominic Pala, u waheh chnong ka Lamyrsiang wa kiwi kiwi.

Ha kani ka sngi da yoh leh yaka yaleh droma wa tbian na ki khynnah skur kawa klam chaphang i ktah yaka rymaw na i ah roi ya ki dieñ wa yei emkaam wow thung dieñ.