Hadien ar snem duna i lai luti, da yoh noh ka Nangbah Mulang wow man kam ka chnong wa pura ryngkat wa u Waheh Chnong ka Dorbar Chnong Nangbah Mulang heiwa ha ka 4 tarik uni u bnai da yoh yei tipmit na u Dolloi ka Elaka Nangbah wa na ka JHADC.
Kamtæ ha ka 11 tarik uni u bnai dei mynjur kiwa chong chnong da jied ya kiwa kitkaam ka chnong kiwa man kamni ha wah:
Waheh Chnong: U Elpilius Phawa
Asst. Waheh Chnong: U Evarist Pasi
Secretary Chnong: U Euginesius Hinge
Asst. Secretary: U Elias Lamare
Treasurer: U Denis Phawa
Executive Member: U Pynkynmo John Stevenson Lamare, u Heibormi Rymbai, u Gregorius Phawa, u Michel Pasi, u Nishwa Lyngdoh, u Tremiki Lyngdoh, u Bremus Thubru, u Kelba Biam, u Edwin Sungoh, u Wanhun Pasi, u Sebastian Susngi, ka Edel Hinge, ka Jusephin Susngi wa ka Silvia Sungoh.
Adviser: U Lebi Hinge wa u Primose Susngi.
Ka Dorbar Chnong Nangbah Mulang pynbna paidbah ko wa i mih chnong na ka Dorbar Chnong Nangbah Pyllun ym em iwon iwon i daw næ sñiaw yaphær tangwa kam ka khon wa da heh da san kawa da kwah wow yieñ hajrong ki kjat yong ka hi wow wanrah ya i roi i paar wa i chongsuk chongsaiñ hapoh ka chnong ka thaw wei da i jooh i sur ka Dorbar Chnong Nangbah Mulang da rai ko wow krehlang wa ka Dorbar Chnong Nangbah Pyllun ha waroh ki liang ha ki sngi ki wow wan.
Discussion about this post