U Superintendent of Police ka East Khasi Hills, u Sylvester Nongtnger da khana u wa da Register ya ka Case hawa yatoh wa i kulmar wa da mih ha Laitumkhrah iwa da jia ynnin i miet yong ka 6 tarik, wei da khana u wa ki pulit da tipmit ki leh ya ki kattu katni ngut kiwa ye u emkti ha ini i kaam wow thang syndon ya ka kari pulit kawa pynyieñ ha pchem yong ka Laitumkhrah Police Station.
Da ong u wa i jia kulmar ha Laitumkhrah toh iwa jia wa khian cha sarok tangwa da jia biang i ya kajia hapyrdi ki ar liang heipor wa wan ujor FIR ki ha Police Station.
Da khana chooh chooh wa ha Police Station da em leh i yania wa ki pulit wei katwa dang em i ya pynbait hapoh, ki bru kiwa em cha lait da thang ki ya ka kari pulit.
Hawa kylli, u SP da ong u wa ya katni ym pu ye wow ong yei emkti ki seiñbhalang ha itai i jia, tangwa daw ye u batai hadooh wa da dep yei takit.
