Ka manbei kawa na ka chnong Donaskur kawa tip kam ka Priskila Suchiang kawa da chah tynyap ha kiwa da suba toh ki nong Bangladesh ha ka 11 tarik uni u bnai da tlep emburom ka ynnin ka sngi hadien wa da pyndep ya waroh iwa emkaam katkam ka aiñ.
Kani ka manbei kawa em 45 snem i rta da ieh ko chadien ya u khon chynrang waka khon kynthai.
Kam wow pynkynmoo wa kani ka manbei da chah tynyap ko heipor wa dang mut wow lai khayi wa uwi u nong Bangladesh iwa da jooh myllien ko da slem wei da jia ini ya ka heipor wa dang yang ko hei trep yong ka deilang wa ki mar iwa em kamwa 2 kynta deiwa lai kjat na chnong Donaskur iwa dang haap hapoh ka Elaka Narpuh, East Jaiñtia Hills District.
U khon ko uwa da lai lang wa ka da lai u chakhmat yow chem ya ka luti wa suk yow lait na ki BSF wei manda poi biang u hei thaw wa yang ka bei u da chem u wa da chah tynyap ko deiwa chah pam da ka wait na khmat na khmut wei da ah lyngkhot leh ya ki kti ki kjat ko.
Discussion about this post