Da tympra ya 797 tylli ki dukan wei da chna du 298 tylli ha Iawmusiang | Ki Permit katni em ki 948 tylli

Ynne ka sngi wa man ka sngi khaddooh yong ka Dorbar Mang Tangka ka JHADC, neiliang u Rikut Parien da kylli u yei em ki dukan deilang ki Permit ha Iawmusiang heipor wa tympra ya ka, heiwa u EM ka Market, u Seiborlang Shadap da jubab u wa em 737 tylli ki DC Stall wa 60 tylli ki Semi RCC Stall iwa waroh 797 tylli.

U Rikut da kylli biang u yei em ki dukan ha i chna ya ka Iawmusiang kattæ, yeini da jubab da u Lasky Rymbai uwa da ong wa da chna 298 tylli ki dukan.

Chooh chooh u Rikut da kylli u katwon tylli ki Permit wa em katni wei katwon tylli kiwa da pynthymme ha u 2025, heiwa u Seiborlang da khana u wa katni em 948 tylli ki Permit wa 691 tylli wa da pynthymme.

Da pynrap u Rikut deiwa kylli wa em 797 tylli ki dukan wa tympra wei kammon katni em hadooh 948 tylli ki Permit, u Seiborlang da ong u wa ka Iawthymme man ko kawa eh wei dang em ki dukan kiwa khlem Permit.

Related posts

Kular u heh chipai ka Uganda wow phah chi lak ngut ki chipai wow yada ya ka Israel

April 12, 2026

Da wai ya u mot u Swami Vivekananda ha Seattle, USA

April 12, 2026

U Rikut da kylli u 298 tylli ki dukan wa chna katni, kiwa tam won cheiwon u lai ki, heiwa da jubab wa kiwa tam u neh ki ha Iawthymme.

Hawa kylli pynrap hajrong kani ka bynta, u Andrew Shullai da kylli u kammon u jied wei yei-yi u e ya ki dukan ha Iawmusiang yeiwa u Seibor da ong u wa daw yaklam pyrkhat yeini.

U Lasky Rymbai da pynrap u wa i kreh katni dang man iwa lai chaphrang wei katkam wa pynwandur nyngkong da booh wow chna G+4 namo san mala tangwa katni da chna G+2 namo le mala.