Hadien wa hiar chuki noh u Captain Amarinder Singh kam u Montri Rangbah ka jylla Punjab ynnin ka sngi, ynne ka sngi da jied ya u Montri ka chnat puræ puthi ka jylla, u Charanjit Singh Channi wow man kam u Montri Rangbah wa thymme ka jylla.
Ya i pyrtuid u Charanjit da pynbna da u Punjab Affairs In-charge ka Party Congress, u Harish Rawat uwa da ong wa da jied ya u Charanjit Singh Channi kam u khlieh yong ka Congress Legislature Party of Punjab.
Neiliang ki MLA ka Congress na Punjab mar hiar chuki u Captain Amarinder Singh da e bor ki ha ka President wa khlieh dooh ka Party, ka Sonia Gandhi wow thung ya u wow chimkti ya ka chuki kam u Montri Rangbah.
Chooh chooh neiliang u Rahul Gandhi leh da e khublei u ya u Charanjit wa i kaamram wa daw chim u deiwa yooluti wa daw pyndep u ya iwa thrang ki paidbah ka Punjab.
