Ka Supreme Court Collegium wa da khlieh da u Chief Justice ka India, u D.Y. Chandrachud da tyrwa ki yei pyrtuid u Justice S. Vaidyanathan yow man kam u Chief Justice ka High Court ka Meghalaya.
U Justice Vaidyanathan toh uwa man kam u Judge ka Madras High Court nadooh u Naichiphaw 2013 wei da man u leh kam u Judge wa da heh hapoh kani ka yung bichaar.
Chwa wow pynku kyrdan ya oo kam u Judge, da yasaaid aiñ u nadooh u snem 1986 hapoh ka Madras High Court.
Ka SC Collegium da ong ko wa kam u Judge ha kini ki 10 snem da thoh u ya 1219 tylli ki Judgement heiwa 629 tylli toh kiwa da e bichaar ha kini ki 5 snem wa da lai, kamtæ da man u u bru wa da ih, da stat wei uwa chemphang wow e ya ki bichaar neibhah ka Madras High Court man ko kam kawi na kiwa heh dooh hapoh ka ri.
Kam wow pynkynmoo wa u Chief Justice warim ka Meghalaya High Court, u Sanjib Banerjee da chong-ngiah u haka 1 tarik uni u bnai heiwa ka President ka ri da thung ko da u Justice HS Thangkhiew kam u Acting Chief Justice ka Meghalaya High Court.
Discussion about this post