Jowai: Kat dang mih ki sngi, ki paidbah dang joor i chah ktah ki na ka Lockdown wow yakhun pyrchah ya ka khlam u COVID-19 khamtam kiwa khih mylla sngi wa kiwi kiwi heiwa da mih ki bru samen wow e yarap cha ki.
Ha kani ka kynti, u Ram Samati uwa man leh u waheh chnong ka Lumlyngdoh Nongjngi, West Jaiñtia Hills District da e yarap u da u khoo ynne ka sngi.
Ya uni u khoo da e cha ki khonswet, ki bru wa em i duna ha i doh i pran wa ki tymmen wa chong wa sah ha ka chnong Lumlyngdoh Nongjngi.
Ha kani ka sngi da e yarap hadooh 12 churia u khoo neibynta ki 24 tylli ki manyung.
Discussion about this post