Ka seiñ Federation of Khasi Jaiñtia & Garo People (FKJGP) Jaintia Hills Zones, deilang wa ka FKJGP Jowai Circle ynne ka sngi da lai e yarap ki da u khoo ya kiwa chong chnong ka Tpep Pale, Jowai deiwa emlang chirup ki bor pynlai chnong nadooh u waheh chnong u Chaphrang Rymbai, u Asst. Waheh Chnong u Heibor Syngkon, u Dikil Pohchen wa kiwi.
Ya ki paidbah wa yoh yei yarap lyngba ka FKJGP da jied da ki bor pynlai chnong hi neibhah wa ki tip ki rap bha yaki bru wa rap emkaam yarap hapoh ka chnong.
Kiwa yahkhmat yong ka chnong hawa e yei klam da e khublei ki yaka seiñ FKJGP kawa da wan e yarap yaki khon ka chnong hapyrdi kini ki por wa maad yei eh i tynjooh haka chnong ka thaw ka jylla, ka ri waka pyrthai hi waroh kawi.
Heijooh i por kyntu haroh ki ya kiwa chong chnong wow pteiñ ki i u bood ryntih yaki kyndon ka sorkar nadooh i yajngai iwi yei wi, i deiñ yaki Mask, i sait-kti dei langær neibhah wym tip yi wow jia chakhmat.
Neiliang kiwa yahkhmat ka seiñ FKJGP da emlang u Riky Shylla, General Secretary Jaiñtia Hills Zone, u President ka Jowai Circle u Bot Challam, u General Secretary u Marious Chyrmang wa kiwi kiwi.
