Ynne ka sngi, kam chibynta wow e yarap ya ki manyung neidaw ka khang chnong namo ka Lockdown wa 21 sngi wow yakhun ya ka khlam u CIVID-19, u MLA ka Jowai Constituency, u Wailadmiki Shylla da pteiñ u wow e yarap da u khoo cha ki dorbar chnong ka sor Jowai.
Hawa yaklam wa kiwa pathai khubor ynne ka sngi, u Wailadmiki da pyntip u wa yeini da leh u katwa joh i bor yong oo samen wow pyndap yei emkaam ki manyung kam ha kini ki por wa em ka Lockdown.
Da pyntip u wa ya uni u khoo da saam cha ki dorbar chnong, wei ki won wow saam ya uni u khoo cha ki manyung ha ki chnong wei emkaam won wa ymtoh u leh chiliang namo u leh Politics hawa saam ya oo.
Chooh chooh da pyntip u wa hadooh katni da pynlait hadooh 1,700 churia tam u khoo ha uwa 50 kilo chi churia.
Heijooh i por da pynche u wa i daw wa slem u pynlait ya u khoo toh wa joor i dawa khoo ha kini ki sngi wa dadep deiwa pyntikna leh wa u khoo hapoh ka jylla wot ha yaw ha hat man u uwa da biang.
Discussion about this post